Nā Papa ma Waho o Ka Lumi Papa

Ua hui pū aʻela mākou, ka papa Performance as Research (Theatre & Dance 617), ma Capitol Modern: The Hawaiʻi State Art Museum ma ka lā ʻumi o ʻOkakopa, ka Pōʻalima nei, no ka haʻawina laha ʻole. Ma laila, ua aʻo mai ʻo Kumu Jhalak iā nā haumāna e pili ana i ka pilina o ka hana keaka a me ka hulahula me ka hana noʻeau. Ke holoholo nei nā haumāna ma ka hale hōʻikeʻike ā ua huki ʻia pākahi haumāna e kekahi hana noʻeau. A laila, e noʻonoʻo ana ka haumāna e pili ana i kēlā mea, a, ma hope o ka hapalua i ka hola paha, e hana kekahi hōʻike pane no kēlā hana noʻeau. I ka wā ma hope, e holoholo ana hou mākou i kēlā me kēia hana noʻeau no ka nānā ʻana nā hōʻike pane o nā haumāna.

Ua huki iaʻu kekahi hana noʻeau a Russell Sunabe, At the Beginning: Down was up. Up was Down, 2013–18, oil on canvas. Ma ia kiʻi pena, aia ka hānau ʻia o Hāloanakalaukapalili iā Hoʻohōkūkalani, ka makuahine o ka ola like ʻole.

Nani kēlā kiʻi pena, akā ua huki ʻia no kekahi mau mea. I kēlā lā, i ke kakahiaka, ma mua o ka hele ʻana i ka hōʻikeʻike, ua hana au ma ka Papa Loʻi o Kānewai me kaʻu mau keiki a me koʻu mau hoa haumāna no ka papa ʻōlelo Hawaiʻi. Ma laila, ua haʻi mai iā mākou ʻo Makahiapo Cashman, ke alakaʻi o ia wahi hanohano, e pili ana i kekahi mau ʻano o ke kalo a me ka moʻolelo o ka hānau ʻia ʻana o Hāloanakalaukapalili iā Hoʻohōkūkalani.

No laila nō hoʻi ua huki iaʻu ia kiʻi pena. Ma hope o koʻu nānā a me noʻonoʻo ʻana, ua kakau au i ka mele e pili ana i kēlā kiʻi pena.